Iraupena 4 urtekoa da, ondoz-ondokoak izan ala ez izan.

Horrek zera esan nahi du: prestazioaren iraupena zatikatu egin dezakezula. Esate baterako, hiru urte igaro ondoren emantzipazio-errenta jasotzeari uzten badiozu, berriro haren beharra duzunean, eta oraindik baldintzak betetzen badituzu, berriz ere prestazioa eska dezakezu falta zaizun urte hori bete artean.

Prestazio bakarra egongo da alokatutako ohiko etxebizitza bakoitzeko. Dagoeneko alokairu-egoeran daudenak ere diru-laguntzaren onuradunak izan daitezke.

Alokairu-kontratuan sinatzaile bat baino gehiago egonez gero, diru-laguntzak jasotzeko eskubidea duten pertsonei dagokien zenbatekoa, diru-laguntzaren kopurua titularren artean zatitzetik aterako den emaitza izango da.

Adibidez, pisua lagun batekin partekatzen baduzu, eta kontratua bion izenean badago, eta baldintza guztiak betetzen badituzue, bakoitzari hilero 105 euro egokituko litzaizkizueke.

Diru-laguntza jasotzen duen pertsona ezin daiteke etxebizitza baten jabe izan (2).

Mailegua eta abalaren kostua behin bakarrik jaso ahalko dira, eta alokairu-kontratu berriei bakarrik emango zaizkie.

210 euroko prestazioaren ordainketa hilero egingo da, maizterrak jabeari hileko errenta ordaindu diola egiaztatu ondoren.

Ez dira ahaide hurbilen arteko alokairu-kontratuak onartuko (odol-ahaidetasun edo ezkontza-ahaidetasunezko lehenengo edo bigarren mailak).

Inguruabar horietakoren bat aldatuko balitz, onuradunak berehala jakinarazi beharko dio diru-laguntza izateko eskubidea aitortu zion Organoari, hark egokia dena erabaki dezan eta Etxebizitza Ministerioari horren berri eman diezaion.